الطريقة الأساسية — من داخل التطبيق

افتح تطبيق ألوكي ← حسابي ← احذف حسابي. يظهر لك بالضبط وش راح ينحذف، وتأكيد قبل التنفيذ. الحذف يصير على السيرفر مباشرة، وترجع لشاشة تسجيل الدخول.

لو ما التطبيق عندك

أرسل طلب الحذف إلى privacy@hwe.sa من أي بريد، واذكر رقم الجوال اللي تسجّل فيه دخولك — هو الشيء الوحيد اللي نعرف فيه الحساب. نتحقق من ملكيتك للرقم قبل التنفيذ، ونأكّد لك الحذف بعدها.

وش ينحذف

كل شيء يخص الشخص، نهائيًا:

• الحساب نفسه: رقم الجوال والاسم وتاريخ الميلاد إن كتبته.
• عضويتك في كل محل انضممت له.
• أختامك ونقاطك وسجل زياراتك عند كل محل.
• الجوائز — المستحقة وغير المصروفة — والهدايا اللي استلمتها.
• الباقات المدفوعة مسبقًا وأي رصيد باقٍ فيها.
• رمز جهازك للإشعارات، ورموز الدخول المؤقتة المرتبطة برقمك.
• صلاحيتك ككاشير أو موظف في أي محل، إن كانت عندك.

الحذف نهائي ولا يمكن التراجع عنه. ما فيه «سلة محذوفات» ولا استرجاع بعد التنفيذ، ورصيد الباقات والجوائز غير المصروفة يروح معه.

وش ما ينحذف — ولماذا

الهدية اللي أرسلتها لشخص ثاني ما تنحذف. صارت ملكه هو، ومسح حسابك لا يجوز أن يسحب هدية من يد غيرك — ينحذف فقط الربط اللي يقول إنها منك.

صفحة منيو المحل ما تنحذف. المنيو سجلّ يخص المنشأة نفسها ويقرأه زبائن غيرك من رمز QR، فحذف حساب شخص لا يجوز أن يشيل منيو محل. لو كنت أنت صاحب الصفحة، الحذف يقطع الربط بينك وبينها فقط وتصير الصفحة بلا مالك، ويقدر صاحب العمل يطالب بها من جديد.

متى يصير الحذف

فورًا وبالكامل. ما فيه حذف مؤجل ولا فترة سماح ولا نسخة «موقوفة» نحتفظ فيها فترة: صفوف بياناتك الشخصية تُمسح من قاعدة البيانات وقت التنفيذ.

أسئلة

لأي سؤال عن الحذف أو عن بياناتك: privacy@hwe.sa. تفاصيل ما نجمعه وليش موجودة في سياسة الخصوصية.